హైదరాబాద్: హైదరాబాద్ శివార్లలో టీజీఎస్ఆర్టీసీ బస్సు అదుపుతప్పి పెట్రోల్ బంక్‌లోకి దూసుకెళ్లిన ఘటన తీవ్ర కలకలం రేపింది. దిల్‌సుఖ్‌నగర్ డిపోకు చెందిన బస్సు చౌటుప్పల్ వైపు వెళ్తుండగా ఈ ప్రమాదం చోటుచేసుకుంది.
రోడ్డుపై ఎదురుగా వస్తున్న బైక్ లేదా ఆటోను తప్పించే క్రమంలో డ్రైవర్ ఒక్కసారిగా బస్సును పక్కకు మళ్లించినట్లు తెలుస్తోంది. ఈ క్రమంలో వేగంగా ఉన్న బస్సు అదుపుతప్పి రోడ్డు పక్కనే ఉన్న పెట్రోల్ బంక్‌లోకి దూసుకెళ్లింది.
బస్సు బంక్‌లోకి దూసుకెళ్లడంతో అక్కడ ఉన్న వాహనాలు, ఫిల్లింగ్ యంత్ర పరికరాలు దెబ్బతిన్నాయి. ఒక్కసారిగా భారీ వాహనం దూసుకురావడంతో బంక్ సిబ్బంది, అక్కడున్న వాహనదారులు భయంతో పరుగులు తీశారు.
అయితే అదృష్టవశాత్తూ ఈ ఘటనలో ప్రాణనష్టం జరగలేదు. ప్రమాదానికి సంబంధించిన దృశ్యాలు బంక్‌లోని సీసీటీవీ కెమెరాల్లో రికార్డయ్యాయి. ఘటనపై పోలీసులు దర్యాప్తు చేపట్టి ప్రమాదానికి అసలు కారణాలను ఆరా తీస్తున్నారు.
Comments
Sign in with Google to comment.