కనకదుర్గ ఆలయంలో మహా కుంభాభిషేకం: హారతులు, మంత్రపుష్పంతో ముగిసిన క్రతువులు

ఇంద్రకీలాద్రి వెలసిన కనకదుర్గ దేవాలయంలో జరుగుతున్న మహా కుంభాభిషేక మహోత్సవాలు రెండో రోజుకు చేరుకున్నాయి. శనివారం సాయంత్రం యాగశాలలో నిర్వహించిన పూజా కార్యక్రమాలు ఆధ్యాత్మిక వాతావరణాన్ని మరింత పులకరింపజేశాయి. సాయంత్రం నాలుగు గంటల నుంచి వేద పండితులు, అర్చకుల ఆధ్వర్యంలో మూల మంత్ర హవనాలు ఘనంగా ప్రారంభమయ్యాయి.

 లోకక్షేమం కోసం, అమ్మవారి దివ్యశక్తి పునఃప్రతిష్ఠార్థం నిర్వహించిన ఈ హోమకార్యక్రమాల్లో వేద మంత్రోచ్ఛారణలు మారుమోగి యాగశాల పరిసరాలను భక్తిమయంగా మార్చాయి. అనంతరం ప్రదోషకాలంలో పీఠపూజలను శాస్త్రోక్తంగా నిర్వహించారు. శక్తి స్వరూపిణి అయిన అమ్మవారికి మూలమంత్ర పూర్వక అష్టోత్తర శతనామావళితో అర్చనలు చేసి ప్రత్యేక పూజలు సమర్పించారు. సాయంత్రం వేళ కర్పూర హారతులతో యాగశాల పరిసరాలు ప్రకాశించాయి.

వేద మంత్రాల నడుమ స్వామివారికి మంత్రపుష్పం సమర్పించి, భక్తులందరికీ క్షేమం కలగాలని ప్రార్థనలు చేశారు