శ్రీశైల దేవస్థానం జూన్ నెల దర్శనం, ఆర్జిత సేవల టికెట్లు విడుదల

శ్రీశైల దేవస్థానం జూన్ నెలకు సంబంధించిన స్పర్శ దర్శనం, శీఘ్ర దర్శనం, అతిశీఘ్ర దర్శనం మరియు ఆర్జిత సేవల టికెట్లను విడుదల చేసినట్లు కార్యనిర్వహణాధికారి శ్రీ ఎం. శ్రీనివాసరావు తెలిపారు. భక్తులు రాష్ట్ర ప్రభుత్వ “మనమిత్ర” వాట్సాప్ సేవ (9552300009) ద్వారా టికెట్లు పొందవచ్చని తెలిపారు. అలాగే దేవదాయశాఖ అధికారిక వెబ్‌సైట్ aptemples.ap.gov.in మరియు srisailadevasthanam.org ద్వారా కూడా దర్శనం, ఆర్జిత సేవల టికెట్లు బుక్ చేసుకునే అవకాశం కల్పించినట్లు వెల్లడించారు. ఆన్‌లైన్ ద్వారా వసతి గదుల రిజర్వేషన్, పరోక్ష సేవల టికెట్లు కూడా పొందవచ్చని పేర్కొన్నారు. భక్తుల సౌకర్యార్థం సేవల ప్రారంభ సమయానికి గంట ముందు వరకు టికెట్లు అందుబాటులో ఉంటాయని తెలిపారు. ఇక ప్రతిరోజు ఉదయం 4.30 గంటల నుంచి సర్వదర్శనం కొనసాగుతుందని దేవస్థానం అధికారులు వెల్లడించారు.