హైదరాబాద్: తెలంగాణ రక్షణ సేన (టీఆర్‌ఎస్)లో కీలక నియామకం చోటుచేసుకుంది. తెలంగాణ జాగృతి సమితిలో.చురుకైన పాత్ర పోషించిన బి సందీప్ కుమార్ పార్టీ సోషల్, డిజిటల్ మీడియా విభాగం రాష్ట్ర ప్రధాన కార్యదర్శిగా నియమితులయ్యారు. పార్టీ అధినేత్రి కల్వకుంట్ల కవిత స్వయంగా సందీప్‌కు నియామక ఉత్తర్వుల పత్రాన్ని అందజేశారు.
పార్టీ సోషల్, డిజిటల్ మీడియా విభాగాన్ని మరింత బలోపేతం చేసే దిశగా ఈ నియామకం చేపట్టినట్లు పార్టీ వర్గాలు పేర్కొంటున్నాయి. పార్టీ కార్యక్రమాలు, విధానాలను డిజిటల్ వేదికల ద్వారా ప్రజల్లోకి విస్తృతంగా తీసుకెళ్లడంలో సందీప్ కీలకంగా వ్యవహరించనున్నారు.
కీలక బాధ్యతలు అప్పగించిన కవితకు సందీప్ కృతజ్ఞతలు తెలిపారు. తనపై ఉంచిన నమ్మకాన్ని నిలబెట్టుకుంటూ అప్పగించిన బాధ్యతలను అంకితభావంతో నిర్వర్తిస్తానని చెప్పారు.
రాష్ట్రవ్యాప్తంగా సోషల్, డిజిటల్ మీడియా విభాగాన్ని మరింత పటిష్ఠం చేస్తానని సందీప్ తెలిపారు. పార్టీ శ్రేణులు, సోషల్ మీడియా ప్రతినిధులతో సమన్వయం చేసుకుంటూ డిజిటల్ వేదికలపై పార్టీ కార్యక్రమాలను విస్తృతంగా ప్రజల్లోకి తీసుకెళ్లేందుకు కృషి చేస్తానన్నారు.
Comments
Sign in with Google to comment.