భారత పైలట్ కెప్టెన్ స్మిత్ మచ్ఛర్ కత్తిపోట్లకు గురైనా ప్రతిఘటించి..174 మంది ప్రాణాలను కాపాడిన ఘటనపై నెతన్యాహు ప్రశంసలు.

New Delhi/ఇంటర్నేషనల్డెస్క్: ఆకాశంలో ఒక్కసారిగా హైడ్రామా.. కాక్‌పిట్‌లోనే కత్తితో దాడి.. విమానం వేల అడుగుల మేరకు ఒక్కసారిగా కిందికి జారుడు.. అయినా ప్రాణాలను లెక్కచేయకుండా పోరాడిన భారత పైలట్ కెప్టెన్ స్మిత్ మచ్ఛర్ ఇప్పుడు ప్రపంచవ్యాప్తంగా చర్చనీయాంశంగా మారారు. దుబాయ్ నుంచి టెల్ అవీవ్ వెళ్తున్న ఫ్లైదుబై FZ1073లో జరిగిన ఈ ఘటనలో, కో-పైలట్ విమానాన్ని కూల్చేందుకు ప్రయత్నించినట్లు ఇజ్రాయెల్ ప్రధాని బెంజమిన్ నెతన్యాహు తెలిపారు. తీవ్రంగా గాయపడినప్పటికీ మచ్ఛర్ ప్రతిఘటించి కాక్‌పిట్ తలుపు తెరవడంతో ప్రయాణికులు, సిబ్బంది లోపలికి వెళ్లి దాడి చేసిన వ్యక్తిని అదుపులోకి తీసుకున్నారు

. కత్తిపోట్లతో రక్తమోడుతున్నా.. తలుపు తెరిచిన కెప్టెన్:

 ఈ ఘటనలో కెప్టెన్ మచ్ఛర్‌పై కత్తితో దాడి జరిగినట్లు అధికారులు, మీడియా కథనాలు వెల్లడించాయి. దాడి తర్వాత విమానం అత్యవసర పరిస్థితిని ప్రకటించి సౌదీ అరేబియాలోని టబుక్‌కు మళ్లింది. ఫ్లైట్ ట్రాకింగ్ డేటా ప్రకారం విమానం కొద్ది సెకన్లలోనే సుమారు 14 వేల అడుగుల మేర దిగజారింది. ఆ సమయంలో కాక్‌పిట్‌లో పరిస్థితి అదుపు తప్పే ప్రమాదం నెలకొంది. గాయాలతో ఉన్నప్పటికీ మచ్ఛర్ కాక్‌పిట్ తలుపు తెరవగలిగారు. అనంతరం ప్రయాణికులు, సిబ్బంది దాడి చేసిన కో-పైలట్‌ను అదుపులోకి తీసుకున్నారని సమాచారం.

 174 మంది ప్రాణాలు.. చివరి క్షణాల్లో కీలక నిర్ణయం:

 విమానంలో 174 మంది ప్రయాణికులు ఉన్నారు. మరో ఇద్దరు ఫ్లైదుబై పైలట్లు ప్రయాణికులుగా అదే విమానంలో ఉండటంతో, వారు కాక్‌పిట్‌లోకి వెళ్లి విమాన నియంత్రణ చేపట్టి టబుక్ విమానాశ్రయంలో సురక్షితంగా ల్యాండ్ చేశారు.

‘నిజమైన హీరో’ అంటూ నెతన్యాహు ప్రశంసలు: కెప్టెన్ స్మిత్ మచ్ఛర్ ధైర్యాన్ని ఇజ్రాయెల్ ప్రధాని బెంజమిన్ నెతన్యాహు ప్రత్యేకంగా కొనియాడారు. కత్తిపోట్లతో తీవ్రంగా గాయపడినా ఆయన తిరిగి పోరాడి కాక్‌పిట్ తలుపు తెరిచి ప్రయాణికులు, సిబ్బంది దాడి చేసిన వ్యక్తిని అదుపులోకి తీసుకునేలా చేశారని నెతన్యాహు పేర్కొన్నారు. 174 మంది ప్రాణాలను కాపాడటంలో ఆయన కీలక పాత్ర పోషించారని, త్వరగా పూర్తిగా కోలుకోవాలని ఆకాంక్షించారు.

ఎవరీ కెప్టెన్ స్మిత్ మచ్ఛర్?

భారతీయుడైన స్మిత్ మచ్ఛర్ 2022 జూన్‌లో ఫ్లైదుబైలో కెప్టెన్‌గా చేరినట్లు ఆయన ప్రొఫైల్ ఆధారంగా వచ్చిన కథనాలు పేర్కొంటున్నాయి. అంతకుముందు సుమారు 11 ఏళ్ల పాటు స్పైస్‌జెట్‌లో పనిచేసి సీనియర్ కమాండర్, లైన్ ట్రైనింగ్ కెప్టెన్‌గా సేవలందించారు. బోయింగ్ 737-800, 737 MAX 8, MAX 9 విమానాలపై ఆయనకు విస్తృత అనుభవం ఉందని నివేదికలు తెలిపాయి. కాక్‌పిట్‌లో జరిగిన ఘటనపై దర్యాప్తు కొనసాగుతుండగా, గాయపడిన మచ్ఛర్ సౌదీలో చికిత్స పొందుతున్నారు.అనంతరం ప్రయాణికులను మరో విమానంలో ఇజ్రాయెల్‌కు తరలించారు. ఈ ఘటనలో ప్రయాణికులంతా సురక్షితంగా ఉన్నట్లు ఫ్లైదుబై ధృవీకరించింది.

 ‘నిజమైన హీరో’ అంటూ నెతన్యాహు ప్రశంసలు:

 కెప్టెన్ స్మిత్ మచ్ఛర్ ధైర్యాన్ని ఇజ్రాయెల్ ప్రధాని బెంజమిన్ నెతన్యాహు ప్రత్యేకంగా కొనియాడారు. కత్తిపోట్లతో తీవ్రంగా గాయపడినా ఆయన తిరిగి పోరాడి కాక్‌పిట్ తలుపు తెరిచి ప్రయాణికులు, సిబ్బంది దాడి చేసిన వ్యక్తిని అదుపులోకి తీసుకునేలా చేశారని నెతన్యాహు పేర్కొన్నారు. 174 మంది ప్రాణాలను కాపాడటంలో ఆయన కీలక పాత్ర పోషించారని, త్వరగా పూర్తిగా కోలుకోవాలని ఆకాంక్షించారు.