పాకిస్థాన్‌లో ఇంధన ధరల భూకంపం – పెట్రోల్ రూ.458, డీజిల్ రూ.520

ఇస్లామాబాద్, ఏప్రిల్ 3, 2026 పాకిస్థాన్‌లో ఇంధన ధరలు మరోసారి భారీగా పెరిగి సామాన్య ప్రజలకు తీవ్ర భారం మోపుతున్నాయి. తాజా పెంపుతో పెట్రోల్, డీజిల్ ధరలు రికార్డు స్థాయికి చేరుకుని ఆర్థిక సంక్షోభాన్ని మరింతగా ముద్రిస్తున్నాయి. పెట్రోల్‌పై లీటర్‌కు రూ.137 పెంచగా, డీజిల్‌పై రూ.184 పెంపు అమలు చేశారు. కిరోసిన్ ధరను కూడా లీటర్‌కు రూ.34.08 పెంచారు. ఈ పెంపులతో ప్రస్తుతం పెట్రోల్ ధర రూ.458.40కి, డీజిల్ ధర రూ.520.35కి, కిరోసిన్ ధర రూ.457.80కి చేరింది. ఈ పెంపులు శుక్రవారం నుంచి అమల్లోకి వస్తాయని పాకిస్థాన్ పెట్రోలియం శాఖ మంత్రి మాలిక్ ప్రకటించినట్లు స్థానిక పత్రిక డాన్ నివేదించింది. ఇరాన్‌పై అమెరికా-ఇజ్రాయెల్ దాడుల నేపథ్యంలో ప్రాంతీయ ఉద్రిక్తతలు పెరగడంతో, పాకిస్థాన్‌లో ఇంధన సరఫరా తీవ్రంగా దెబ్బతిన్నట్లు సమాచారం. ఇప్పటికే ఆర్థిక సంక్షోభంతో కొట్టుమిట్టాడుతున్న దేశంలో ఈ ధరల పెంపులు ప్రజలను మరింత కష్టాల్లోకి నెట్టుతున్నాయి. రవాణా ఖర్చులు భారీగా పెరగడంతో అవసర వస్తువుల ధరలు కూడా ఆకాశాన్నంటుతున్నాయి. ప్రభుత్వంపై ప్రజల అసంతృప్తి పెరుగుతోంది. ఆర్థిక వ్యవస్థను నిలబెట్టడంలో ప్రభుత్వం విఫలమైందన్న విమర్శలు వెల్లువెత్తుతున్నాయి.